ജനപ്രിയ നടൻ ദിലീപിന്റെ പവി കയർ ടേക്കർ ചലച്ചിത്രം വിജയകരമായി തീയേറ്ററുകളിൽ ഓടി കൊണ്ടിരിക്കുകയാണ്. വളരെ മികച്ച പ്രതികരണങ്ങളാണ് സിനിമ കണ്ടവരിൽ നിന്നും ലഭിക്കുന്നത്. ഇപ്പോൾ ഇതാ തനിക്കെതിരെയുള്ള ശത്രുതയെ പറ്റി മനസ്സ് തുറക്കുകയാണ് ദിലീപ്. താൻ അറിയാത്ത കാര്യങ്ങൾക്ക് വേണ്ടിയാണ് വർഷങ്ങളായി അനുഭവിച്ചോണ്ടിരിക്കുന്നത് എന്ന് മനോരമയ്ക്ക് നൽകിയ അഭിമുഖത്തിൽ താരം തുറന്ന് പറഞ്ഞത്.
എന്തിനാണ് തന്നോട് ഇത്ര ശത്രുത എന്ന് ഇതുവരെ മനസ്സിലാകുന്നിലെന്ന് ദിലീപ് പറയുന്നു. മനസ വാചാ അറിയാത്ത കാര്യങ്ങളക്ക് വേണ്ടിയാണ് ഏഴ് വർഷമായി താൻ അനുഭവിച്ചോണ്ടിരിക്കുന്നത്. ഈ പ്രെശ്നം പരിഹരിക്കാൻ പലർക്കും താത്പര്യമില്ലെന്ന് പറയുമ്പോൾ പിന്നെ ഞാൻ എന്താണ് പറയേണ്ടത് എന്ന് ദിലീപ് ചോദിക്കുന്നത്. ഇവിടെ നീതിന്യായ വ്യവസ്ഥകളെ വിശ്വസിച്ചും അനുസരിച്ചും വേണം നമ്മൾ പോകാൻ. താനൊരു കലാക്കാരനാണ്, നൂറ് ശതമാനം സത്യസന്ധതയോടെയാണ് ഓരോ കാര്യങ്ങൾ ചെയ്യുന്നത്. സിനിമയെ മാത്രം ഫോക്കസ് ചെയ്ത പോയിട്ടുള്ളു എന്ന് ദിലീപ് പറയുന്നു.
ഇതിന്റെ പിന്നിൽ നടക്കുന്ന കാര്യങ്ങളേ നമ്മൾ അറിഞ്ഞിട്ടില്ല. താൻ സിനിമ ഇൻഡസ്ട്രിയിൽ ഉള്ളത് ആർക്കാണ് ഇത്രയും പ്രേശ്നമെന്ന് ദിലീപ് ചോദിക്കുന്നു. “ഉപാധികളോടെയുള്ള ജാമ്യത്തിലാണ് ഞാൻ ഇപ്പോൾ നിൽക്കുന്നത്. അതുകൊണ്ട് തന്നെ കൂടുതൽ സംസാരിക്കാൻ കഴിയില്ല. ചിലർ എന്നോട് വന്ന് ചോദിക്കും, എല്ലാവരും വായിൽ തോന്നുന്നതൊക്കെ ടീവിയിൽ വന്നു പറയുന്നു ; എന്തുകൊണ്ടാണ് ദിലീപിന് മാത്രം ഒന്നും പറയാൻ ഇല്ലാത്തത്? എനിക്ക് ഇതിനെ കുറിച്ച് പറയാൻ പാടില്ല.
ഞാൻ ഇപ്പോഴും ഫൈറ്റ് ചെയ്യുകയാണ്. എന്റെ സമയദോഷം തന്നെ. എന്നാലും സിനിമയിൽ ഞാൻ ഇപ്പോഴും സജീവമാണ്. എന്റെ പ്രേക്ഷകർ കൂടെയുണ്ട്. അതുമാത്രമല്ല എന്റെ കൂടെ നിൽക്കുന്ന സംവിധായകന്മാർ, നിർമ്മാതാക്കൾ, ടെക്‌നിഷ്യൻസ്, എനിക്ക് കിട്ടുന്ന അടി അവരെയും കൂടി ബാധിക്കുന്നുണ്ട്. ഇൻഡസ്ടറികളിൽ തന്നെ വലിയ നഷ്ടം ഉണ്ടായിട്ടുണ്ട്” എന്നാണ് ദിലീപ് അഭിമുഖത്തിൽ തുറന്നു പറഞ്ഞത്.