മലയാള സിനിമ ഇപ്പോൾ ഏറ്റവും വലിയ പ്രതിസന്ധി ഘട്ടത്തിൽ കൂടിയാണ് കടന്നു പോകുന്നത്. ഹേമ കമ്മറ്റി റിപ്പോർട്ടിന് ശേഷം മുൻ നിര താരങ്ങൾ വരെ ആരോപണവിധേയവരായി മാറിയത് കൊണ്ട് തന്നെ വിഷയം ഇപ്പോൾ ദേശിയ തലത്തിൽ ചർച്ചയാകുകയാണ്, ഇപ്പോഴിതാ മലയാള സിനിമാ നടന്മാർക്കെതിരെ ഉയർന്ന ലൈംഗികാരോപണങ്ങളില്‍ കൃത്യമായ നിലപാട് വ്യക്തമാക്കിയ ഏക നടൻ പൃഥ്വിരാജ് ആണെന്ന തരത്തില്‍ നടക്കുന്ന പ്രചാരണങ്ങളെ തള്ളി നടി ഷക്കീല രംഗത്ത് വന്നിരിക്കുകയാണ്.
പൃഥ്വിരാജ് അങ്ങനെ പറയത്തക്ക നല്ലതൊന്നും ചെയ്തിട്ടില്ലെന്നും ഇത്തരമൊരു സന്ദർഭത്തില്‍ പൊതുവായി നല്‍കുന്ന ഉത്തരം മാത്രമാണ് നടൻ നല്‍കിയതെന്നും പൃഥ്വിരാജിനെ അത്ര പെർഫെക്ടായി ഉയർത്തി കാണിക്കേണ്ട എന്നും നടി ഷക്കീല പറഞ്ഞത്. അതല്ലാതെ പൃഥ്വിരാജ് എന്ത് ചെയ്തു. അന്വേഷണം നടത്തണം, സത്യമാണോ എന്ന് അറിയണം, പ്രതികളെ ശിക്ഷിക്കണം. ഇതല്ലേ പൃഥ്വിരാജ് പറഞ്ഞത്. ഇതുതന്നെയല്ലേ നമ്മളും പറയുക. മാധ്യമങ്ങളുടെ ചോദ്യത്തിന് പൊതുവേ പറയുന്ന ഉത്തരമാണിത്. ഇതിന്റെ പേരില്‍ പൃഥ്വിരാജിനെ പറ്റി സംസാരിക്കേണ്ട ആവശ്യം പോലുമില്ല.
നമ്മൾ ഇപ്പോൾ മോഹൻലാലിനോട് പോയി ചോദിച്ചാലും ഇതുപോലെ പൃഥ്വിരാജ് പറഞ്ഞ അതേ ഒഴുക്കൻ മറുപടി തന്നെ ലഭിക്കും. ആരോട് ചോദിച്ചാലും ഈ ഉത്തരമായിരിക്കും ലഭിക്കുക. അല്ലാതെ പൃഥ്വിരാജ് വ്യത്യസ്തമായി ഒന്നും പറഞ്ഞിട്ടില്ല. അതുകൊണ്ട് ഇന്നയാള്‍ നല്ലത്, ഇന്നയാള്‍ മോശം എന്നൊന്നും പറയാൻ കഴിയില്ല, ഇവരും ഇത് ചെയ്തിട്ടുണ്ടോ എന്ന് പറയാൻ സാധിക്കില്ല. മാധ്യമത്തിനു മുൻപില്‍ സംസാരിച്ചത് കൊണ്ട് പൃഥ്വിരാജ് പെർഫെക്‌ട് ആണെന്ന് പറയാൻ ശ്രമിക്കേണ്ട.
ഒരുപാട്, വിഷയങ്ങള്‍ പലരെയും പറ്റി എനിക്ക് നന്നായി അറിയാം. അതുകൊണ്ട് എന്തെങ്കിലും ഒരു പ്രസ്താവന നടത്തി എന്നതിന്റെ പേരില്‍ ഒരാള്‍ വലിയ സംഭവമാണെന്ന് പറയുന്നതിനോട് എനിക്ക് യോജിക്കാൻ കഴിയില്ല എന്നും ഷക്കീല പറയുന്നു, അതുപോലെ മലയാള സിനിമയിലെ പവർ ഗ്രൂപ്പ് അത് മോഹൻലാലും മമ്മൂട്ടിയുമാണെന്നും ഷക്കീല പറയുന്നു
