വീട്ടിൽ ലഹരിപ്പാർട്ടിയെന്ന ആരോപണം, ഗായികക്കെതിരെ പരാതി നൽകി നടി റിമ കല്ലിങ്കൽ

വീട്ടിൽ ലഹരി പാർട്ടി നടത്തിയെന്ന തമിഴ് ഗായിക സുചിത്രയുടെ ആരോപണങ്ങൾക്കെതിരെ പരാതിയുമായി നടി റിമ കല്ലിങ്കൽ. വിമെൻ ഇൻ സിനിമാ കളക്ടീവ് അഥവാ WCCയുടെ സ്ഥാപക അംഗങ്ങളിൽ ഒരാൾ കൂടിയാണ് റിമ. സമൂഹ മാധ്യമങ്ങളിൽ ഇട്ട ഒരു പോസ്റ്റിലൂടെയാണ് റിമ കല്ലിങ്കൽ ഇക്കാര്യം അറിയിച്ചത്. ലഹരി പാർട്ടികൾ നടത്തിയെന്നും, ഇതിലൂടെ ലഹരിവസ്തുക്കളുടെ ഒഴുക്ക് ഉണ്ടായെന്നും, തന്മൂലം റിമയുടെ കരിയർ തന്നെ ബാധിക്കപ്പെട്ടെന്നും സുചിത്ര ആരോപിച്ചിരുന്നു. ഈ ആരോപണങ്ങൾ നിഷേധിച്ച താരം പ്രത്യേക അന്വേഷണ സംഘത്തെ സമീപിച്ചതായും, ഗായികയ്‌ക്കെതിരെ പരാതി നൽകിയതായും പറഞ്ഞു.