ലാലേട്ടന്‍ എനിക്ക് ലൗവറെ പോലെ; എന്നാൽ മമ്മൂക്കയോടുള്ള ഇഷ്ടം അങ്ങനെ ആയിരുന്നില്ല: മീര ജാസ്മിന്‍

സിനിമാപ്രേമികള്‍ക്ക് ഏറ്റവും പ്രിയപ്പെട്ട നടിയാണ് മീര ജാസ്മിന്‍.  മലയാളത്തിലെ മികച്ച അഭിനേതാക്കളില്‍ ഒരാളായിട്ടാണ് പ്രേഷകർ മീര ജാസ്മിനെ കണക്കാക്കുന്നത്.  കരിയറിന്റെ തുടക്കത്തില്‍ തന്നെ ലോഹിതദാസ്, കമല്‍, സത്യന്‍ അന്തിക്കാട് തുടങ്ങിയ മികച്ച സംവിധായകരോടൊപ്പം സിനിമകള്‍ ചെയ്യാന്‍ സാധിക്കുകയും
തന്റെ അഭിനയത്തിലൂടെ ദേശീയ – സംസ്ഥാന പുരസ്‌കാരങ്ങളടക്കം കരസ്ഥമാക്കിയ ഒരാളും കൂടിയായിരുന്നു നടി. എന്നാൽ പിന്നീട് സിനിമാ കരിയറില്‍ ഒരു ഇടവേള എടുക്കുകയും അതിനു ശേഷം സത്യന്‍ അന്തിക്കാടിനെ സംവിധാനത്തില്‍ പുറത്തിറങ്ങിയ മകള്‍ എന്ന ചിത്രത്തിലൂടെയാണ് നടി സിനിമയിലേക്ക് തിരിച്ചു വരുകയുമായിരുന്നു. 

നിലവില്‍ വീണ്ടും സിനിമയില്‍ സജീവമായിക്കൊണ്ടിരിക്കുകയാണ് നടി . ഇതിനിടയിൽ  മോഹന്‍ലാലിനെയും, മമ്മൂട്ടിയെയും കുറിച്ച് പറയുകയാണ് നടി. ചെറുപ്പത്തില്‍ താന്‍ ഒരു മോഹന്‍ലാല്‍ ഫാനായിരുന്നുവെന്നും, വാത്സല്യം, അമരം പോലെയുള്ള സിനിമകള്‍ കണ്ട് മമ്മൂട്ടിയോട് തോന്നിയത് വല്യേട്ടനോടുള്ളത് പോലുള്ള ഒരു ഇഷ്ടമായിരുന്നെന്നും ചെറിയ വയസ്സിലൊക്കെ മോഹന്‍ലാലിനെ കാണുമ്പോള്‍ ഇങ്ങനെ ഒരാളെ കിട്ടിയിരുന്നെങ്കിലെന്ന് ആഗ്രഹിച്ചിരുന്നന്നുവാണ് മീര ജാസ്മിന്‍ പറയുന്നത്