കട്ട് പറഞ്ഞിട്ടും ആ നടന്‍ ചുംബിച്ചു കൊണ്ടേയിരുന്നു.. ഇന്റിമേറ്റ് രംഗങ്ങളില്‍ അഭിനയിക്കുമ്പോള്‍ പലരും ഇത് പ്രയോജനപ്പെടുത്താറുണ്ട് : സയാനി ഗുപ്ത

ഇന്റിമസി സീനുകളില്‍ അഭിനയിക്കേണ്ടി വന്നപ്പോള്‍ നേരിട്ട മോശം അനുഭവങ്ങൾ തുറന്നു പറഞ്ഞ് ബോളിവുഡ് നടി സയാനി ഗുപ്ത. സംവിധായകന്‍ കട്ട് വിളിച്ചിട്ടും ഒരു നടന്‍ തന്നെ ചുംബിച്ചുകൊണ്ടിരുന്നു എന്നാണ് താരം പറയുന്നത്.
ഇഴുകിചേര്‍ന്നുള്ള രംഗങ്ങള്‍ അഭിനയിക്കുമ്പോള്‍ പലരും ഇങ്ങനെ പ്രയോജനപ്പെടുത്താറുണ്ട്. കട്ട് പറഞ്ഞാലും ചുംബനം തുടരുന്നവര്‍ക്കൊപ്പം എനിക്ക് അഭിനയിക്കേണ്ടി വന്നിട്ടുണ്ട്. അത് ഒരാളെ വല്ലാതെയാക്കും. ആരും അറിയാതെയായിരിക്കും ഇങ്ങനെ സംഭവിക്കുക. പ്രൈം സീരീസ് ആയ ഫോര്‍ മോര്‍ ഷോര്‍ട്സ് പ്ലീസില്‍ അഭിനയിച്ചപ്പോഴുണ്ടായ അനുഭവമാണ് താരം പങ്കുവച്ചത് . ഗോവയിലെ ബീച്ചില്‍ ബിക്കിനി ഇട്ട് മണ്ണില്‍ കിടക്കുന്ന രംഗമുണ്ടായിരുന്നു. തനിക്ക് മുന്നില്‍ 70ഓളം ആണുങ്ങളാണ് ഉണ്ടായിരുന്നത്. എന്നാല്‍ അതില്‍ ഒരാള്‍ പോലും ഒരു ഷോള്‍ പോലും എനിക്ക് തന്നില്ല.അഭിനേതാക്കളുടെ സുരക്ഷയെ കുറിച്ച് പരിഗണിക്കാതിരിക്കുന്ന ഈ ചിന്താഗതിയില്‍ മാറ്റമുണ്ടാകണം. സെക്കന്‍ഡ് മാര്യേജ് ഡോട്ട് കോം എന്ന ചിത്രത്തിലൂടെയാണ് സയാനി അഭിനയരംഗത്തേക്ക് എത്തുന്നത്. ജോളി എല്‍എല്‍ബി 2, ഫാന്‍, ജഗ്ഗ ജാസൂസ്, ആര്‍ട്ടിക്കിള്‍ 15, ക്വാബോന്‍ ക ജമീല തുടങ്ങിയ ചിത്രങ്ങളിലലും അഭിനയിച്ചിട്ടുള്ള നടിയാണ് സയാനി.