മലയാളം സിനിമക്ക് പുറമെ തമിഴ് സിനിമയിലും താരമായി മാറിക്കൊണ്ടിരിക്കുന്ന നടിമാരിൽ ഒരാളാണ് മമിത ബൈജു. 2018ൽ സർവോപരി പാലാക്കാരനിലൂടെയാണ് അരങ്ങേറ്റം കുറിച്ച നടി ഓപ്പറേഷൻ ജാവ, സൂപ്പർ ശരണ്യ, പ്രണയ വിലാസം, എന്നീ ചിത്രങ്ങളിലൂടെ അഭിനയിച്ച് പ്രശസ്തി നേടിയ മമിതയുടെ അവസാന റിലീസ് ആയ പ്രേമലു എക്കാലത്തെയും ഏറ്റവും കൂടുതൽ കളക്ഷൻ നേടിയ ആറാമത്തെ മലയാളം ചിത്രമായും 2024-ലെ ഏറ്റവും കൂടുതൽ കളക്ഷൻ നേടിയ നാലാമത്തെ മലയാള ചിത്രമായും റാങ്ക് ചെയ്യുന്നുണ്ട്. എന്നാൽ തന്റെ പ്രൊഫഷൻ ഇതല്ലായിരുന്നു എന്നാണ് നടി ഇപ്പോൾ പറയുന്നത്.ഡോക്ടറാവാന്‍ ആഗ്രഹിച്ച് സിനിമാരംഗം തിരഞ്ഞെടുത്ത ആളാണു താനെന്നും, അച്ഛന്‍ ഡോക്ടറായതിനാല്‍ താനും ആ വഴി വരണമെന്നാണ് കുടുംബം ആഗ്രഹിച്ചതെന്നും എന്നാല്‍ ആറേഴു സിനിമകള്‍ ചെയ്തു കഴിഞ്ഞപ്പോള്‍ താനാമോഹം ഉപേക്ഷിച്ചു വെന്നുമാണ്
മമിത പറയുന്നത്.
ഞാനൊരു ഡോക്ടറാവണം എന്നായിരുന്നു അപ്പക്ക് ആഗ്രഹം. എന്നാല്‍ ആറേഴു സിനിമകള്‍ കഴിഞ്ഞപ്പോള്‍ ഡോക്ടര്‍ മോഹം ഞാൻ ഉപേക്ഷിച്ചു. അപ്പക്ക് ആദ്യം അതില്‍ വിഷമമുണ്ടായിരുന്നു. പിന്നെ അപ്പയും അത് ഉള്‍ക്കൊണ്ടു. കാരണം എന്താണെന്നാല്‍ സിനിമാരംഗം പപ്പയ്ക്ക് ഏറെ ഇഷ്ടപ്പെട്ട ഒന്നായിരുന്നു. സിനിമാ സംവിധായകന്‍ ആവുക ആയിരുന്നു പപ്പയുടെ സ്വപ്നം. പക്ഷേ, വീട്ടിലെ സാമ്പത്തികസാഹചര്യങ്ങള്‍ അനുകൂലമായിരുന്നില്ല. ഏറെ ആരാധകരുള്ള ഒരു താരമാണ് മമിത ബൈജു. ‘ ഇപ്പോൾ വിജയ്യുടെ അവസാന ചിത്രമായ ‘ദളപതി 69’ ല്‍ അഭിനയിക്കുന്നതിന്റെ ത്രില്ലിലാണ് താരം. ചിത്രത്തിന്റെ പൂജ വേളയിലെ താരത്തിന്‍രെ ചിത്രങ്ങല്‍ സോഷ്യല്‍ മീഡിയയില്‍ അടുത്തിടെ വൈറലായിരുന്നു.
