2003 ജനുവരിയിലാണ് അമേരിക്കയിലെ ഹൂസ്റ്റണില്‍ 'ശ്രീപാദം നൃത്തവിദ്യാലയം' ഞാൻ തുടങ്ങുന്നത്. നമ്മുടെ നാടിന്റെ സംസ്‌കാരവുമായി അടുത്തു നില്‍ക്കുന്നതാണ് നൃത്തകലകള്‍ എന്നത് . അതുകൊണ്ടുതന്നെ സ്വന്തം നാട്ടില്‍ ജീവിക്കുന്ന പോലൊരു പ്രതീതിയാണ് 'ശ്രീപാദം' എനിക്ക് നൽകുന്നത്. അതുപോലെ
അഭിനയവും നൃത്തവും ഒരുപോലെയാണ് ഞാൻ കാണുന്നത്. മൂന്ന് വയസ്സ് മുതല്‍ നൃത്തം പഠിക്കുന്നുണ്ട്. സിനിമയിലുണ്ടായിരുന്നപ്പോഴും ഡാന്‍സ് പരിപാടിക്ക് പോകുമായിരുന്നു. ഇപ്പോള്‍ മുഴുവന്‍ സമയവും നര്‍ത്തകിയാണ്. കുഞ്ഞുന്നാളിലേ സിനിമയില്‍ എത്തി. ആളുകളിന്നും നെഞ്ചിലേറ്റുന്ന നല്ല കഥാപാത്രങ്ങള്‍ ചെയ്യാന്‍ കഴിഞ്ഞു എന്നതിൽ ഒരുപാട് സന്തോഷം.
സിനിമാസൗഹൃദങ്ങളെക്കുറിച്ച് പറയാനാണെങ്കിൽ
ആരുമായും തുടർച്ചയായി കോണ്ടാക്ട് ഇല്ല. പക്ഷേ വര്‍ഷങ്ങള്‍ക്കു ശേഷം എല്ലാവരെയും കണ്ടുമുട്ടുമ്പോഴുണ്ടാകുന്ന സ്‌നേഹവും അടുപ്പവും വലിയ സന്തോഷം നല്‍കാറുണ്ട്. അമ്മയുടെ ജനറല്‍ ബോഡിക്കു പോയപ്പോഴാണ് അത് കൂടുതല്‍ എനിക്ക് വ്യക്തമായത്.
വീട്ടുവിശേഷങ്ങള്‍ പറയുകയാണെങ്കിൽ
ഭര്‍ത്താവ് അരുണ്‍കുമാറാണ് , അമേരിക്കയില്‍ ഓയില്‍ ആന്‍ഡ് ഗ്യാസ് കമ്പനിയിലാണ് ജോലി . മക്കള്‍ അര്‍ജുന്‍, മീനാക്ഷി, ഐശ്വര്യ എന്നിവർ.
മ്യൂസിക് ആല്‍ബങ്ങളോടാണ് കൂടുതൽ ഇഷ്ടം. ജ്യോത്സ്‌നയുമായി ചേര്‍ന്ന് 'ജനനി' എന്ന ഒരു ആല്‍ബം ചെയ്തിട്ടുണ്ട് .
മനസ്സില്‍ തട്ടിയ കഥാപാത്രം
'കാരുണ്യ'ത്തിലെ 'ഇന്ദു', 'ഉസ്താദി'ലെ പദ്മ എന്നിവയാണ്. ചെയ്ത കഥാപാത്രങ്ങളെല്ലാം മനസ്സിന്റെ ആഴത്തില്‍ പതിഞ്ഞവയാണ്.