നൃത്തം ചെയ്യുന്നതിനിടെ വീണു. നൃത്തം തുടർന്ന് വിധ്യാബാലൻ

നൃത്തം ചെയ്യുന്നതിനിടെ കാൽതെന്നി വീഴുണു എന്നാൽ അതൊന്നും ശ്രദ്ധിക്കാതെ നൃത്തം തുടരുന്ന വിദ്യാബാലന്റെ വീഡിയോയാണ് ഇപ്പോൾ സമൂഹമാധ്യമങ്ങളിൽ വൈറലായി കൊണ്ടിരിക്കുന്നത്. ഭൂൽ ഭുലയ്യ 3ന്റെ റിലീസിന്റെ ഭാഗമായി വിദ്യാ ബാലനും മാധുരി ദീക്ഷിതും ഒരുമിച്ച് ഡാൻസ് അവതരിപ്പിക്കുമ്പോയായിരുന്നു സംഭവം.
എന്നാൽ കാൽ തെന്നി നിലത്ത് വീണങ്കിലും
തെന്നിവീണ ഭാവമൊന്നുമില്ലാതെ അവർ നൃത്തം തുടരുകയായിരുന്നു.

സ്‌റ്റേജിൽ നൃത്തം ചെയ്യുന്നതിനിടെ വിദ്യ ബാലൻ വീഴുകയും എന്നാൽ സമചിത്തതയോടെയും പ്രൊഫഷണലിസത്തോടെയും വിദ്യ എണീറ്റുവന്ന് നൃത്തം തുടരുന്നതുമാണ് വീഡിയോയിൽ കാണാൻ സാധിക്കുന്നത്. വിദ്യ നൃത്തം തുടർന്നപ്പോൾ, താരത്തിന്റെ പ്രതിബദ്ധതയെ അംഗീകരിച്ചുകൊണ്ട് കാണികൾ ശക്തമായ കരഘോഷമാണ് മുഴക്കിയത്. വിദ്യയുടെയും മാധുരിയുടെയും ചടുലമായ നൃത്തത്തിൻ്റെ വീഡിയോ ക്ലിപ്പ് സോഷ്യൽ മീഡിയയിൽ പെട്ടെന്ന് തന്നെ വൈറലാവുകയും ചെയ്യുകയായിരുന്നു.
“വീഴുകയും ഉയർത്തെഴുന്നേൽക്കുകയും ചെയ്യുന്നവർക്കാണ് കൂടുതൽ ശക്തി!”, “മാധുരി മാഡം, നിങ്ങൾ വിദ്യാ മാഡത്തെ എങ്ങനെ പിന്തുണയ്ക്കുന്നു എന്നതിന് ഒരു പാട് നന്ദി” എന്നിങ്ങനെയുള്ള കമന്റുകളാണ് വീഡിയോക്ക് താഴെ വരുന്നത്.