മലയാളികൾക്ക് പരിചിതമായ പാട്ടാണ് കരിങ്കാലിയല്ലേ എന്ന പാട്ട്. പിന്നീട് ആവേശം സിനിമ ഇറങ്ങിയതോടെ പാട്ട് വീണ്ടും ഹിറ്റായി. മലയാളത്തിനകത്തും പുറത്തും പ്രായഭേദമന്യേ ആളുകൾ ഇത് റീൽ ചെയ്യാനും തുടങ്ങിയിരുന്നു. സോഷ്യൽ മീഡിയയിലും ഇത് വൈറൽ ആണ്.
എന്നാൽ കരിങ്കാളിയല്ലേ എന്ന പാട്ട് നടി നയൻതാരയുടെ കമ്പനി പരസ്യത്തിന് ഉപയോഗിച്ചു എന്ന് പറഞ് പാട്ടിൻ്റെ നിർമാതാക്കൾ രംഗത്ത് വന്നിരിക്കുകയാണ് ഇപ്പോൾ. ചലച്ചിത്ര താരം നയൻതാരയുടെ കമ്പനി ഈ പാട്ട് സാനിറ്ററി പാഡിന്റെ പരസ്യത്തിന് ഉപയോഗിച്ചുവെന്നും, അതിനെതിരെ നിയമ നടപടിയുമായി മുന്നോട്ട് പോകാനാണ് തീരുമാനം എന്നുമാണ് നിർമാതാക്കൾ പറയുന്നത്.
ഇന്ത്യയിലെ പ്രമുഖ രണ്ട് ബ്രാന്‍ഡുകളുടെ കോണ്‍ട്രാക്ട് ഒപ്പിടാന്‍ ഇരിക്കെയാണ് ഈ പ്രമോഷന്‍ വീഡിയോ എത്തിയത്.ഇതോടെ കമ്പനികള്‍ കരാറില്‍ നിന്നും പിന്തിരിഞ്ഞു എന്നാണ് പാട്ടിന്റെ യഥാര്‍ത്ഥ നിര്‍മാതാക്കള്‍ പറയുന്നത്. ഇതുവഴി കടുത്ത സാമ്പത്തിക നഷ്ടമാണ് ഉണ്ടായതെന്നും നിര്‍മാതാക്കള്‍ വ്യക്തമാക്കി.
