മലയാള സിനിമയുടെ പ്രിയങ്കരിയാണ് കനി കുസൃതി. കാൻ ഫിലിംസ് ഫെസ്റ്റിവലിലെ ഗ്രാൻഡ് പ്രീ പുരസ്‌കാരം കരസ്ഥമാക്കിയ ഇന്ത്യൻ ചലച്ചിത്രമായ ഓൾ വീ ഇമാജിൻ ആസ് ലൈറ്റ് തുടങ്ങി ഒട്ടേറെ ചലച്ചിത്രങ്ങളിൽ മികച്ച അഭിനയ പ്രകടനം കാഴ്ചവെച്ച നടിയാണ് കനി കുസൃതി. ഇപ്പോൾ ഇതാ മോളിവുഡിലെ മുൻനിര നിർമ്മാണം കമ്പനിയായ ഭാവന സ്റ്റുഡിയോസിനെ കുറിച്ച് തുറന്നു സംസാരിക്കുകയാണ് താരം. ജോജി, തങ്കം, കുമ്പളങ്ങി നൈറ്റ്സ്, പാൽത്തു ജാൻവർ തുടങ്ങി മികച്ച ചിത്രങ്ങൾ മലയാള സിനിമയ്ക്ക് നൽകിയ നിർമാണ കമ്പനിയാണ് ഭാവന സ്റ്റുഡിയോസ്.
നടൻ ഫഹദ് ഫാസിൽ, ശ്യാം പുഷ്ക്കരൻ, ദിലീഷ് പോത്തൻ തുടങ്ങിയവരുടെ ഉടമസ്ഥയിലുള്ള പ്രൊഡക്ഷൻ കമ്പനിയാണ് ഭാവന സ്റ്റുഡിയോസ്. ഭാവന സ്റ്റുഡിയോസ് നിർമ്മിക്കുന്ന സിനിമകളിൽ ഒരു പ്രാവശ്യം അഭിനയിച്ച നടികളെ പിന്നീട് കാണാൻ കഴിയില്ലെന്ന് അഭിനയത്രിയായ കനി കുസൃതി പറയുന്നു. ഫഹദ് ഫാസിൽ എന്ന നടനെ തുടർച്ചയായി നായകനാക്കി സിനിമയെടുക്കുകയും അപർണ ബാലമുരളി മാത്രമാണ് രണ്ട് ഭാവന സ്റ്റുഡിയോസിന്റെ സിനിമകളിൽ അഭിനയിച്ചതെന്ന് കനി തുറന്നു പറയുന്നു.
ലിജോ മോൾ, ഗ്രേസ് ആന്റണി തുടങ്ങിയ നായകന്മാർ വളരെ കഴിവുള്ള അഭിനയത്രികൾ ആണെന്നും കനി കുസൃതി നൽകിയ അഭിമുഖത്തിൽ വെളിപ്പെടുത്തി. “ഭാവന സ്റ്റുഡിയോസിന്റെ ആളുകൾ എന്നെ വഴക്ക് പറയുമോ എന്നറിയില്ല. പക്ഷെ ഞാൻ ആലോചിച്ചു, അവർ ഫഹദിന്റെ കൂടെ പല തവണ വർക്ക് ചെയ്തിരുന്നു. എന്നാൽ അപർണ മാത്രമാണ് തുടരെ നായികയായി അവരുടെ സിനിമകളിൽ അഭിനയിച്ചത്. ബാക്കിയുള്ള നടിമാരൊന്നും അവരുടെ സിനിമയിൽ പിന്നീട് കണ്ടിട്ടില്ല.
ഇതെന്തുകൊണ്ടാണ് ഇങ്ങനെ നടക്കുന്നതെന്ന് തോന്നാറുണ്ട്. ഇവരുടെ ചിത്രങ്ങളിൽ എപ്പോഴും പുതിയ നായികമാരാണ്. തങ്കം എന്ന സിനിമയിൽ അപർണ മാത്രമേ തുടർച്ചയായി വന്നിട്ടുള്ളൂ എന്നാണ് എന്റെ ഓർമ. എന്നാൽ ലിജോ മോൾ , ഗ്രേസ് ആന്റണി എന്നിവർക്ക് ഒരുവസരം കൂടി നൽകിയ മികച്ച പ്രകടനം തന്നെ കാഴ്ച്ചവെക്കുമെന്ന കാര്യത്തിൽ യാതൊരു സംശയവും വേണ്ട. ഞാൻ ഒരു സംവിധായകാണെങ്കിൽ അവർക്ക് മുൻഗണന നല്കാൻ സാധ്യതയുണ്ട്.
